Dünən Milli Məclisin İqtisadi siyasət, Sosial siyasət, Aqrar siyasət, Təbii ehtiyatlar, energetika və ekologiya məsələləri, Hüquq siyasəti və Dövlət quruculuğu məsələləri daimi komissiyalarının birgə iclası keçirilib. İclasda "Azərbaycan Respublikasının 2009-cu il dövlət büdcəsi haqqında" qanun layihəsi müzakirə olunub. Layihə barədə məlumat verən İqtisadi siyasət daimi komissiyasının sədri Ziyad Səmədzadə deyib ki, ölkənin inkişafını xarakterizə edən əsas göstəricilər müzakirəyə təqdim olunmuş dövlət büdcəsinin layihəsində öz əksini tapıb. Onun sözlərinə görə, son 5 ildə Azərbaycanda ümumi daxili məhsul istehsalı 5,8 dəfə, adambaşına düşən məhsul 5,5 dəfə, ölkənin valyuta ehtiyatları 10,9 dəfə artıb. Bu isə onu göstərir ki, Azərbaycanda qeyri-neft sektorunun inkişaf istiqamətində böyük nailiyyət əldə olunub. Komissiya sədri deyib ki, Azərbaycanın xarici borcu son 5 ildə cəmi 1,6 dəfə, büdcə gəlirləri 8,6 dəfə, xərcləri 9